Kenns du dat? De Swümmer von den Waterkassen an din Waterklosett dröppelt man bloss noch, duert een Stünn denn kannst erst wedder nospölen.-
Wat nu? Klo und Waterkassen afmonteern und in Baumarkt een niegen Waterkassen köpen?- Man den givt dat nicht meer in de Modefarv von 1970.- Also Sümmer rut und nur den nieg köpen.- Man dann geit dat los. „ Fabrikatname?. Modellname?, Artikelnummer? Seriennummer?. Baujahr?“ Wenn dat allens hesst, denn kannst du villicht en niegen kriegen.
Oder de Döör von dat Isfach an din inboten Kühlschrank is avbroken.- Desölben Frogen. Man du hesst vor fief Joarn een beeten spoort, hest een „no name“ Modell köfft. Denn musst du em wohl utbuen und kieken wat du an de Rückwand den Namen von denn Hersteller und all sin Nummern finn deist.- Und denn veel Glück bi de Kommunikaschon mit dat Call-Center.
Wo fin wer dat doch, wenn d’t um de Ekk innen Stadtdeel Hölp geben kun.-
Nu, bald is dat wohl so wied wenn dat erst „Fabulous St. Pauli“ (fabelachtig St. Pauli) givt:-
Dat schall een „Hölp di und anner Lüüd man sülben-Projekt“ warn, mit Kommunikaschon-Center, Experimenteerstuv und Warksteed, wo een Ersatzdeelen oder eegene Soken in lütte Serien sülbst moken kann.
Wo anns dat geiht?- Dat wiest uns Frünnen ut de Nederlannen. De hebt so een Warksteed in een Auto inbuut und dat steit von düssen Midweeken to Freedach (4.-6. August) vor de Bernhard-Nocht-Stroot 69 (wo fröher dat „Erotic Art Museum“ ween is).
Kiek doch mol in; denn kans ook bald midmoken.- Tschüüss.